Олон улсын туршлага, мэргэжлийн хөгжил, зөвлөх үйлчилгээний ирээдүйг нэг дор хэлэлцэх цахим форум
Монголын Менежментийн Зөвлөхүүдийн Институт (ММЗИ) нь 2027 онд зохион байгуулагдах Менежментийн зөвлөхүүдийн үндэсний чуулганыг угтан “MMCI CONSULTCON 2026 – Зөвлөх мэргэжлийн оргил өөд” олон улсын цахим форумыг 2026 оны 11 дүгээр сарын 20-ны өдөр зохион байгуулах гэж байна.
Энэхүү форум нь Монголын менежментийн зөвлөхүүдийг олон улсын мэргэжлийн байгууллагуудын удирдлага, туршлагатай зөвлөхүүдтэй холбох, мэдлэг, туршлага солилцох, зөвлөх үйлчилгээний салбарын хөгжлийн чиг хандлага, шинэ боломжуудыг хамтдаа хэлэлцэх зорилготой юм.
Форумын онцлох чиглэлүүд
Мэргэжлийн хөгжил ба зөвлөхийн карьер
Менежментийн зөвлөхийн мэргэжлийн хөгжлийн олон улсын чиг хандлага, CMC® мэргэшил, ISO 20700 стандарт болон зөвлөхийн чадамжийн хүрээний талаар мэдлэг, ойлголтоо өргөжүүлэх.
Олон улсын хамтын ажиллагаа, мэргэжлийн сүлжээ
ICMCI болон олон улсын зөвлөхүүдийн хамтын нийгэмлэгийн туршлагаас суралцаж, бүс нутгийн болон олон улсын хамтын ажиллагааны боломжуудтай танилцах.
Хиймэл оюун ухаан ба зөвлөх үйлчилгээний ирээдүй
Хиймэл оюун ухааны хөгжил зөвлөх үйлчилгээний салбарт бий болгож буй шинэ боломж, өөрчлөлт, практик хэрэглээ болон ирээдүйн чиг хандлагыг хэлэлцэх.
Үнэ цэн бүтээх, байгууллагын хөгжилд оруулах хувь нэмэр
Зөвлөх үйлчилгээний чанар, үр нөлөөг нэмэгдүүлэх, байгууллагын гүйцэтгэл, өрсөлдөх чадвар, тогтвортой хөгжилд мэргэжлийн зөвлөхүүдийн гүйцэтгэх үүргийг тодотгох.
Арга хэмжээний хөтөлбөр – дарж харна уу
Форумд оролцохын ач холбогдол
Энэхүү арга хэмжээ нь менежментийн зөвлөхүүдэд олон улсын мэдлэг, туршлагаас суралцах, мэргэжлийн ур чадвараа хөгжүүлэх, зөвлөх үйлчилгээний шинэ чиг хандлагатай танилцах, мэргэжил нэгтнүүдтэйгээ харилцаа холбоогоо өргөжүүлэх боломжийг олгоно.
Түүнчлэн Монголын зөвлөх үйлчилгээний салбарын мэргэжлийн чадавхыг бэхжүүлэх, олон улсын жишиг, сайн туршлагыг түгээн дэлгэрүүлэх, салбарын хамтын ажиллагааг өргөжүүлэхэд хувь нэмэр оруулах ач холбогдолтой.
Арга хэмжээний мэдээлэл
- Огноо: 2026 оны 11 дүгээр сарын 20, Баасан гараг
- Цаг: 14:00–17:00 (Улаанбаатарын цагаар)
- Хэлбэр: Цахим (Zoom)
- Үргэлжлэх хугацаа: 3 цаг
- Зохион байгуулагч: Монголын Менежментийн Зөвлөхүүдийн Институт (MMCI)
Оролцооны нөхцөл:
- ММЗИ-ийн гишүүд – Үнэ төлбөргүй
- Гишүүн бус оролцогчид – 50,000 төгрөг
Бүртгэл нээлттэй
Менежментийн зөвлөхүүд, байгууллагын удирдлагууд, бизнесийн зөвлөхүүд, судлаачид болон зөвлөх мэргэжлээр хөгжих сонирхолтой мэргэжилтнүүдийг энэхүү форумд оролцохыг урьж байна.
Мэргэжлийн мэдлэг, туршлагаа өргөжүүлж, Монголын менежментийн зөвлөх үйлчилгээний салбарын хөгжилд хамтдаа хувь нэмэр оруулцгаая.
Монголын Менежментийн Зөвлөхүүдийн Институт (ММЗИ)
